Comité Cidadán de Emerxencia para a Ría de Ferrol

Luns, 16 de Outubro de 2006

Incendio nun tanque de Reganosa

Ás 12 da mañá do sábado 14 de outubro en varios puntos de Ferrol á altura do Parador de Turismo e en toda a zona de Meá e A Pedreira, notouse un cheiro irritante parecido a cando se queima caucho duro e similar a cando se queima unha radio, o que se chama “cheiro a bakelita”. Ademais notábase irritación, mal sabor en garganta e dor de cabeza. O cheiro percibíase a distancia en función da dirección do vento. Pola tarde en Ares moitas persoas notaron ese cheiro irritante sen saber de que era. A humareda de cor branca non era intensa e víase mellor desde Ferrol ou desde O Seixo.

A primeira hora da tarde algunhas persoas repararon en que saía un fume branco como unha neblina de forma continuada por encima dun dos tanques que constrúe Reganosa. Máis tarde coñeceuse que se incendiou un material chamado la de roca instalada dentro entre a parede externa de hormigón e o tanque interior de aceiro inoxidable. Ás 15 horas sábese que foron chamados os bombeiros de Ferrol quenes regresaron sen poder facer nada para apagar o incendio que continuará ata non se sabe cando.

Representantes da Plataforma de Veciños (Ou Cruceiro de Meá) e outras asociacións do Comité Cidadán de Emerxencia para a Ría de Ferrol acudíronse as inmediaciones dos tanques que constrúe Reganosa. Na foto que se acompaña pódese ver á presidenta da devandita Plataforma de veciños observando por uns prismáticos a parte inferior do tanque situado ao leste e mais próximo ás instalacións de Forestal do Atlántico, onde por unha abertura na parede do tanque asomaban ao seu interior distintas persoas con traxes que parecían de protección civil de Mugardos. Cara ás seis da tarde reduciuse a emisión de fume branco que únicamente víase desde Ferrol e desde outros puntos lonxe dos tanques.

A partir das 20,30 horas aumentou moito o fume branco, tamén o mal cheiro e a irritación nas gargantas. Ás once da noite diminuíu a saída de fume branco pero continuaba o cheiro irritante, ao mesmo tempo que foron presentadas senllas denuncias no posto da Garda Civil de Mugardos, pola Plataforma de Veciños “O Cruceiro de Meá” e por ADEGA. Para o domingo está anunciada a presentación dunha denuncia na Comisaría de Policía en Ferrol por veciños desta cidade. Nas denuncias maniféstase que se descoñece os efectos para a saúde xa que os veciños están notando irritación de garganta e dor de cabeza. Así mesmo esíxese unha medición dos gases e a súa natureza, toxicidade etc.

O accidente demostra que existen materiais combustibles na parede do tanque, que poden arder. No caso de que houbese gas natural licuado no seu interior, o aumento de temperatura podería provocar un aumento de volume moi grande, pois o gas natural licuado aumenta 600 veces de volume entre os menos 160 grados centígrados e os 10 grados centígrados. Ese aumento de volume orixinaría un aumento da presión dentro do tanque que podería provocar a súa explosión ou rotura xeneralizada, un risco que agora debe ser creíble pero que non foi contemplado nos estudos do proxecto de Reganosa.

É impresentable que en toda a tarde non se viron por alí aos responsables de Reganosa nin do Concello, e que circulasen versións distintas pretendendo minimizar risco de accidente grave. Ao persoal de protección civil de Mugardos escoitóuselle dicir que un cable de soldadura queimouse. Outra versión tambien impresentable é a de Reganosa nunha nota a algúns medios dicindo que unha manta térmica incendiouse por un cortocircuito nunha lámpada.

A única seguridade para a poboación e os lugares de interese público, é que a Planta de Gas sitúese no Porto Exterior de Cabo Prioriño ou en mar aberto do Golfo Artabro, a distancia suficiente como require o articulo 12 da Directiva 96/82/CE (Seveso II), o cal dentro de Ría de Ferrol é imposible de cumprimentar satisfactoriamente, polo cal xa non debe ser autorizada a súa entrada en funcionamento.

En España dispoñemos ademais o RAMINP e segundo o seu articulo 4 unha Planta de Gas debería estar como mínimo a dous quilómetros de distancia dos núcleos de poboación agrupada e o articulo 247 do Plan Xeral de Ordenación Municipal de Mugardos di: “En todo caso estarase ao disposto por, -O ?Reglamento de Actividades Molestas, Insalubres, Nocivas e Perigosas? (Decreto 2414/1961 de 30 de novembro)”.>>

Por iso este accidente debería ser unha chamada mais de atención á Administración Central e á Autonómica para que reflexionen en que están a tempo de evitar os riscos de catástrofe que supoñería a entrada en funcionamento de Reganosa.

En español

Por: Comité Cidadán | Noticias | Comentarios (0) | Referencias (0)