Comité Cidadán de Emerxencia para a Ría de Ferrol

Venres, 02 de Xuño de 2006

Roda de prensa de 1 de xuño 2006

Con motivo do día mundial do medioambiente, celebrarase unha Concentración-Festival este sábado próximo nos Cantones de Ferrol, a partir das 20,30 co lema “Ameaza a todo gas, ¡Non Grazas! Planta de Gas Fora dá Ría?, organizado polo Comité Cidadán de Emerxencia para Ría de Ferrol, no que se integran mais de 50 entidades asociativas e persoas que pertencen a todas as sensibilidades políticas.

Na parte de contido reivindicativo o poeta Antón Cortizas lerá un manifesto no que pedimos á Administración Central e á Xunta de Galicia que paralicen as obras de Reganosa e que ésta non chegue a entrar en funcionamento, a fin de que desapareza a ameaza á vida humana e tamén para que non se sacrifique Ría de Ferrol segundo foi proposto no ano 1997 por un libro prologado pola Conselleria de Pesca. Ademais denunciamos as agresións contra Ría que prexudican á riqueza marisqueira e o atraso no saneamiento integral, pero tamén as agresións aos mariscadores, presionándoles e levándolles aos tribunais para que abandonen a súa actividade, etc.
En español



Vemos con optimismo as actuacións que nos últimos cinco anos vimos realizando coa Planta de Gas. Confiamos que antes dun ano deixe de ser un pesadelo en Ferrolterra. Hai unha Sentenza do TSXG de xuño do ano 2004 contraria a Reganosa e unha recente providencia do Tribunal de Xustiza de Madrid que admitiu a tramite a nosa solicitude de paralización cautelar de Reganosa sobre o que tomará unha decisión logo das preguntas que fixo á Administración e a Reganosa. Ademais está pendente unha Sentenza do Tribunal Supremo que se pode producir en calquera momento a partir do próximo mes de xullo, tamén segue pendente unha decisión da Comisión Europea e outros dez contenciosos a trámite nos tribunais españois.

Estes días coñecemos a sentenza do TSXG que anula a licenza aos Tanques de Combustibles do Ferrazo en Vilagarcia, terminados e en funcionamento fai varios anos. Felicitamos desde aquí á Plataforma de Defensa de Ría de Arousa, aos seus veciños e aos mariscadores, que do mesmo xeito que nós desde o ano 2000 veñen levando actuacións contra os devanditos tanques.

Por todo iso incluímos unha compoñente de Festival nesta celebración do dia mundial do medioambiente. Agradecemos a todos os grupos musicais e actores participantes que o farán realidade a fin de que os maiores e as mozas reciban unha mensaxe de esperanza de que a Ría de Ferrol é recuperable cun desenvolvemento sostenible.

Actuasen como presentadores Paulo Regueiro de Ares e Judit Grandal de Fene. Ademais dos grupos musicais e actores anunciados no cartel, participará tamén o poeta Antón Cortizas quen lerá un poema satírico en relación con Reganosa.

Coa música folk e de calidade do Grupo Abregos do Couto do Mestre Victor Agullo iniciase a velada musical. Seguiralle a música “rock and roll de todas as épocas” do grupo “Perros de Paja”, logo poderemos oír a música “funky” do grupo ferrolano “Kool and the band” e finalmente o grupo Mckuin, tamén ferrolano, pechará a parte festiva deste acto con Rock forte e vibrante. A Escola de Teatro de Narón realizará escenificaciones intercaladas entre as actuacións musicais.

Por: Comité Cidadán | Comunicados | Comentarios (0) | Referencias (0)